Месец октомври е посветен на донирањето органи, па така познатата српска пејачка Лепа Брена веќе следниот месец планира да стане сопственичка на донорска картичка.
Таа изјавила дека планира да се приклучи на акцијата, бидејќи знае дека така ќе ја крене свеста и ќе предизвика позитивен став кај јавноста.
Пејачката на оваа тема веќе зборувала со докторите и со пријателите, па прашање на време е кога ќе го стави својот потпис на картичката.
-Таа сака да им помогне на луѓето кои се во критична состојба. Не сака од тоа да прави лична промоција, изјави извор близок до пејачката.
– Сакам тоа да го направам! За мене донирањето на органи е нормална работа. Го сакам тоа што новата технологија може да го поедностави животот. Во тоа спаѓа и донирањето на органите. На тој начин може да се спаси и нечиј живот. Има ли нешто поважно од тоа? – рекла Брена.
