Лидерска средба е закажана ноќеска на полноќ. Ова е нов обид да се вратат во тек преговорите кои пропаднаа пред неколку дена по 12-часовните разговори во присуство на еврокомесарот Хан.
Откако деновиве посредникот Ванхауте имал одвоени средби со претставниците на сите партии, вечерва е организиран повторно заенички состанок на кој ќе дојдат и партиските лидери на четирите партии кои учествуваат во преговорите, Груевски, Заев, Ахмети и Тачи.
Терминот на полноќ е избран најверојатно како единствен слободен за лидерот на ВМРО-ДПМНЕ и премиер Никола Груевски.
Тој вечерва во 21 часот се враќа од Шпанија од конгресот на европските десничарски партии, во 21 И 30 ќе држи говор на прославата на 23 Октомври- Денот на македонската револуционерна борба, а изутрина патува во официјална посета на Обединетите арапски емирати.
