Лили Кракнел не дишела 30 минути по раѓањето. Докторите ја ставиле во торба за разладување и ја намалувале нејзината телесна темепратура и така ја држеле три дена, за да го спречат отекувањето на мозокот кое можело да ја убие!
Лили денеска има 3 години. Ситна е за својата возраст, но здрава. Лекарите се уште немаат објаснување зошто смалувањето на телесната температурата помага кога бебињата се под ризик од отекување на мозокот. Но, намалувањето на телесната температура на Лили во торбата за ладење, од 37 на 35 степени, и го спаси животот – пишува Дејли меил.
Лили била родена пред терминот поради здравствената состојба на нејзината мајка Ребека.
– Кога ја извадија не пушти никаков глас. Ја зедоа на интензивна нега и ја ставија во торба за разладување. Бевме преплашени, но тоа беше единствената шанса за Лили да преживее. Поради намалувањето на температурата денеска таа е жива и здрава и без ошеттување на мозокот – вели благодарната мајка.
Две недели по раѓањето девојчето било пуштено дома и почнало нормално да напредува.
