Линкот на македонската мисија во Обединетите нации на службената страница на ООН е хакиран.
На службената страница на ООН, кога ја отворивме веб страницата на македонската мисија за да се информираме за престојот на македонската делегација во Њујорк, наместо податоци за Македонија, се појавија содржини на јапонски јазик. Неофицијално, извори од МНР велат дека подолго време страницата на македонската мисија во ООН никој не ја ажурира, пишува Вест.
Од МНР изјавија дека преку македонската мисија во Њујорк ќе реагираат до ОН да се тргне од линкот содржината на јапонски јазик.
„Страницата, по се изгледа, е хакирана. Ќе интервенираме да се тргне и да се врати старата страница”, изјавија од Министерството за надворешни работи.
На службената страница на ООН каде што се наведени земјите-членки, www.un.org/en/members/index.shtml, каде што Република Македонија е наведени под „Т“, – The Forner Yugoslav Republic of Macedonia, кога ќе кликнеш на линкот на нашата мисија во ООН www.macedonia-un.org, се појавува рекламна страница на јапонски јазик.
Инаку, во Њујорк се одржува Генерално собрание на ООН, на кое учествува и македонска делегација, предводена од претседателот на државата Ѓорге Иванов.
