Здравствените власти во Македонија набавија скафандери како дел од мерките за превентивна заштита од опасната заразна болест ебола, која се шири од западна Африка.
Според министерот за здравство Никола Тодоров, станува збор за скафандери за еднократна и за повеќекратна употреба кои се дадени на тимовите кои може да бидат во прв контакт со евентуално заболени од ебола.
Тоа се пред се вработените кои го следат детекторот за топлина на аеродромот „Александар Велики“ или на оние кои веднаш треба да одговорат на евентуален повик кога има сомнение за вакво заболување или кога има некој кој е дојден од земјите каде има епидемија.
