Сè повеќе жени во Македонија сакаат да забременат со донирана сперма. Според статистиките од неколку скопски клиники за вакво вонтелесно оплодување, околу 30 Mакедонки посакуваат да станат мајки, со донирана сперма, но најголем број жени за ваква интервенција доаѓаат од Србија, Босна и Херцеговина, Kосово и од западноевропските земји, бидејќи кај нив со закон е забрането биомедицинско потпомогнато оплодување ако немаат партнер. Неофицијално сите заедно се околу 200 жени годишно.
Најголем број вакви зафати се прават на Kлиниката „Аџибадем Систина“, од каде што велат дека млади жени што по триесеттата година не успеале да се реализираат како мајки, сè почесто својата желба за мајчинство ја остваруваат со сперма од донатор.
Во Македонија нема банка за сперма, па „Аџибадем Систина“ овој биолошки материјал го зема од најпознатата банка за сперма во светот од Данска.
Цената за овој зафат е индивидуална и зависи од квалитетот на спермата и од карактеристиките на донаторот. Најчесто паровите одбираат материјал според расата, бојата на очите, косата, крвната група, висината, тежината, но и ако донаторот има објавено своја фотографија од детството. Жените или двојките најчесто бараат карактеристики блиски на сопствените.
Тој додава дека за да може еден маж да донира сперма, задолжително треба да помине психолошки тестови, како и да ги помине испитувањата за најчести инфекции и наследни болести.
Во Македонија не е дозволено еднаш увезена сперма од еден донатор да биде увезена и втор пат за да се оневозможи еден донатор да е татко на две деца.
– Имам триесет и девет години, сама сум. Тој ме советуваше да не бидам пребирлива кога станува збор за мажите и да земам што ми се нуди. Но, тоа не оди така. Партнер немам веќе долго за да останам бремена на природен начин. Решив и покрај сè, да станам мајка, вели српската државјанка. Таа вели дека веќе го избрала донаторот и ќе има можност до трипати да се обиде да зачне.
Повеќе на Дневник
