Во автобус со швајцарски регистарски таблички, српската полиција на граничниот премин Харгош, заплени 519 грама опојни дроги сокриени во перница.
Автобусот патувал на релација Прешево-Келн, но полицијата заедно со работниците од царина го пребарале автобусот и се запрепастиле од она што го пронашле. Купишта од зелени и бели таблети уредно спаковани во два пакети. Пакетите биле скриени во перница несомнително сместена во просторот за личен багаж во патничкиот простор на автобусот.
Сопствениците на екстазите се државјани на Република Македонија, станува збор за лицето А.Ф (51) и А.А (26) се уапсени и задржани во полицијата, по што со кривична пријава ќе бидат спроведени на Вишото јавно обвинителство во Суботица.
