Поради голема наезда од медузи десетици илјади Македонци и Срби ја напуштија грчка Паралија, пишува дневниот весник „Вест“.
-За два дена, имавме неколку контакти со мали и со поголеми медузи и јадежот е незгоден и пече. Мораме да внимаваме кога ги внесуваме децата во вода. Медузите најмногу ги има на длабочина од еден метар и поплитко, токму таму каде што сите се капеме – велат семејствата Спасоевиќ од Ниш и Стојановски од Скопје.
Паралија и плажата „Олимпик бич“се познати по присуството на медузи, кои во овие плитки води особено се присутни од 20 јули и таму се мрестат сè до половината на август.
