Макрон и Ле Пен во вториот круг од претседателските избори во Франција


Емануел Макрон и Марин Ле Пен ќе се најдат во вториот круг од претседателските избори.

Првите резултати од претседателските избори во Франција покажуваат дека во вториот круг од изборите ќе одат актуелниот претседател, центристот Емануел Макрон и кандидатот Марин Ле Пен. Макрон освоил меѓу 28,6 и 29,7 насто од гласовите, а Марин Ле Пен меѓу 23,5 и 24,7 проценти.

Трет е кандидатот на радикалната левица Жан-Лук Мелешон со околу 20 насто од гласовите.

Во првиот круг во трката претседател на Франција имаше 12 кандидати.

Емануел Макрон им се заблагодари на гласачите што го поддржаа да влезе во вториот круг од претседателските избори во Франција и ги повика да го блокираат доаѓањето на власт на екстремната десница, посочувајќи дека „сѐ уште ништо не е решено“ на француските избори.

MK News

Автор инфо

No comments yet.

Остави коментар

UA-33057274-1