Премиерот Зоран Заев ќе побара од сите роднини на функционери на СДСМ кои изминатиов период биле вработени во државни институции и компании да се повлечат од местата. Ова го изјави министерот за информатичко општество и администрација, Дамјан Манчевски во гостување на телевизија Телма.
-Зошто токму сега огласи? Ќе повторам, затоа што институциите имаат реална потреба за тој кадар. За блиски роднини и пријатели кои се вработени, морам да кажам дека тоа не се наши вредности. Ние правиме анализа, и за тоа ние немавме информација. На барање на прeмиерот, тој бара сите тие да се повлечат.
Излеговме од еден ситем со такви вредности каде имаша партиски вработувања и ние се бориме да го промениме тој систем и да го смениме таквиот начин на размилсување. Ние признаваме дека имаме притисок и од наши членови дека тие очекуваат да бидат вработени во државни институции и некои успеале – рече Манчевски.
