Голем број на матични лекари завршија со помалку пари од Фондот. Им стопирале бидејќи ги пречекориле буџетите за рецепти. Лути на како што велат апсурдните состојби, Здружението на приватни лекари на итна средба со директорот на контрола во ФЗОМ, пишува здравство24.мк.
Меѓу казнетите матични на кои им биле запрени поголеми суми поради пропишување на рецепти се 16 лекари од Велес, по дваесетина од Струмица и Охрид како и во другите градови.
Ни еден матичен доктор не смее да одбие пациент плус- Значи треба да ги прифаќаме и лекуваме сите пациенти. Јавно прашуваме – Дали ако една пациентка не била на гинеколог 5 години и дојде на преглед кај замената доктор во истата амбуланта на преглед-дали докторот треба да и направи ПАП и други превентивни прегледи или не? И дали таа цел треба да се брои како реализирана?
– Награди само во јавно здравство,а во приватно казни- ако работите многу и ако издадете многу рецепти????? -Како да ги лекуваме хроничните пациенти?Кој лек да им го запреме?. Ова се дел од забелешките на ЗПЛРМ објавени на нивниот сајт а кои ќе бидат предмет на разговор на утрешната средба во Фондот.
