Силен земјотрес со јачина од 6,2 степени предизвика хаос во Италија. Во 3 часот и 30 минути утринава, разорниот земјотрес се случил близу градот Норча во областа Умбрија, на длабочина од 10 километри.
Најсилно погодени се местата Акумоли, Аматриче, Поста и Арката дел Тронто, соопшти Лука Кари, претставник на противпожарна бригада, и додаде дека службата веќе испратила хеликоптери да ги проценат штетите. Изворите велат дека најгусто населените подрачја не се меѓу најпогодените.
За жал, бројот на загинати расте. Засега се идентификувани 10 починати лица, а бројот на повредени е огромен. Меѓу загинатите има и цели семејства.
