-Меѓународните институции го признаваат македонскиот јазик и идентитет и верувам дека со дописот што го испративме ќе го корегираат. Некогаш се случуваат грешки, веројатно и во делот на формулацијата, некојпат за сите е новина, па и за меѓународната заедница, исто така, е новина сето тоа што се случува во делот на Северна Македонија – новото име на нашата земја, што се надевам ќе биде и во функција после гласањето во грчкиот Парламент. Затоа што самото користење и на новото име кај нас, различно од идентитетските прашања како Македонци, кои зборуваме македонски јазик, а ќе бидеме од Северна Македонија треба јасно да се разграничи. Постојат веќе формулирани, готови протоколи каде тоа се објаснува и на сите меѓународните организации, рече Заев на новинарско прашање по посетата на клиниката за неврологија. Тој потсети дека нашата земја веднаш по ратификацијата на Протоколот треба да испрати писмо до 193 членки на ОН, во кое ќе бидат објаснети сите аспекти на употребата на новото име. Дел од јавноста во Македонија се побуни што завчера, за време на церемонијата на потпишување на пристапниот Протокол за НАТО, Алијансата прв пат, не го искористи зборот “македонски јазик” на својата веб страница, и покрај тоа што секогаш досега го користела.


Комисијата за прашања на изборите и именувањата на денешната седница едногласно ја утврди предлог листата за именување на претседател и членови на Државната комисија за спречување на корупцијата.

Владимир Георгиев, Софка Пејовска Дојчиновска, Катица Николовска, Нури Бајрами, Билјана Ивановска, Горан Трпеновски, Шемши Салаи се кандидатите за новиот состав на новата Антикорупциска комисија.

За претседател на Комисијата е предложена Билјана Ивановска која, како што појасни претседателот на Комисијата за прашања на изборите и именувањата Илија Димовски, била најдобро рангирана од кандидатите кои конкурирале за местото претседател.

Останатите, рече Димовски, што се подобро рангирани од неа конкурирале само за членови на Комисијата.

Пратеникот Муахмед Зекири кој беше дел од Комисијата што ја вршеше селекцијата, рече дека е направен најдобриот можен избор од пријавените и тоа, како што потенцира, на транспарентен начин и постапка.

При изборот на членови и претседател на Комисијата за спречување на корупцијата е почитуван принципот на соодветна и правична застапеност и на еднаква родова застапеност.

Селекцијата и интервјуирањето на кандидатите беше направено завчера, а нивното рангирање по бодови во текот на вчерашниот ден.

Пријавени биле 57 кандидати, секој кандидат можеше да добие максимум 100 поени. Искуството и достигнувањата во борбата против корупцијата носеа максимум 40 бодови, а 60 кандидатите можеа да добијат врз основа на тоа како се покажале нан интервјуата.

Предлогот на Комисијата за прашања на изборите и именувањата ќе се најде на денешната пленарна собраниска седница. Членовите и претседателот на Антикорупциската комисија се избираат со двотретинско мнозинство од вкупниот број пратеници.

Согласно новите овластувања на Државната комисија за спречување на корупцијата, таа може да го следи и претстојниот изборен процес во делот на финансирање на политичките парти

Share Button
MK News

Автор инфо

No comments yet.

Остави коментар

UA-33057274-1