Мигрант на возраст од 25 години е повреден во тепачка на автобуската станица во Белград, што се случи денеска напладне. Со рана во стомакот тој бил пренесен во Клиничкиот центар во Земун, јави РТС.
Во тепачката била вмешана групи мигранти, а едено засега непознато лице со нож го избодело 25-годишниот мигрант од Авганистан. Полицијата соопшти дека трага по осомничените, но не посочи дали и напаѓачот е мигрант.
– Момчето има посекотини, најверојатно од нож, на левата страна на стомакот и тапи повреди на главата. Во стабилна и свесна состојба беше однесен во Клиничката болница во Земун – изјавила портпаролката на Брзата помош Нада Мацура за РТС.
