Цртаните филмови за Мики Маус се враќаат на малите екрани откако компанијата Дизни одлучи повторно да оживее еден од најпопуларните цртани ликови.
На каналот Дизни, како и на интернет сајтот на таа компанија, на 28 јуни ќе почне да се прикажуваат 19 нови епизоди од тој цртан филм. На сајтот disney.com е поставен краток цртан филм каде Мики и Мини работат во париско кафуле, а им недостасуваат кроасани. Ликовите во цртаниот филм зборуваат на француски.
Извршниот директор на компанијата Волт Дизни, Боб Игер изјави денеска за телевизија Си-Ен-Би-Си (СНБС) дека во новите епизоди Мики им се враќа некои невини и палави квалитети, кои можеби со текот на времето ги изгубил.
Мики Маус е „роден“ 1928 година, а патувал во Њујок, Санта Моника, Пекинг, Токио, Венеција и на Алпите. Во новите епизоди, друштво ќе му прават Мини, Пајо паторот и Пата, Шиљо и Плутон.
