Индискиот милионер Диншах Вимадалал (69) плати 18.000 евра за оглас во весниците, во кој бара жена која сака да се омажи за него. Вимадалал вели дека неговата сопруга мора да биде витка, да има помалку од 40 години и да нема деца.
– Имам повеќе од 40 години, но сум млад во душа и многу активен маж. Мораш да знаеш англиски јазик, да имаш основно образование, да бидеш подготвена за возбудлив живот, да јадеш месо, се вели во рекламата со наслов „Тој е сјајно момче, дали сакаш да се омажиш за него“.
Вимадалал, кој има вила во Мексико, приватен авион, луксузни автомобили, јахти и мотори, вели дека досега на огласот се јавиле 20 жени, кои имале вишок на килограми.
