Австралијанецот Карл Џозеф Краус (93), поранешен работник во железница, обвинет е за силување на четири сестри, на возраст меѓу седум и 15 години, во 2010 година
Краус живеел во Тајланд повеќе од една деценија пред да ги запознае девојчињата во 2008 година, кои ги злоставувал, а полицијата пронашла повеќе од 100 порнографски фотографии од деца во неговиот компјутер. Полицијата на Тајланд тврди дека ги учел децата на англиски јазик и ги убедил да доаѓаат кај него нудејќи им чоколадо и пари. Девојчињата им раскажале на своите родители дека тој постојано ги напаѓал, а тие веднаш го пријавиле во полиција.
Неговите адвокати сега се обидуваат да го ослободат од обвинението, повикувајќи се на тоа дека тој е премногу стар, за да издржи судење и боледува од рак.
-Ќе бидам мртов уште пред да биде донесена пресудата-рече Краус и додаде дека тој не направил ништо лошо.
По пријавата, старецот рекол дека нема да има ништо од обвинението ако ги подмити полицајците со 10.000 фунти.
