Крвава пресметка која се случи во Ниш го потресе регионот. 49-годишниот Ивица С. му пукал во стомак на соптвениот син, 18-годишниот Немања С. бидејќи не си ја средил собата! Куршумот завршил во стомакот на младото момче кое сега е наоѓа во Клиничкиот центар во Ниш.
Соседите за српскиот Курир велат дека откако таткото се развел минатата година, постојано пиел, па затоа и се карал често со своите синови. Другиот син на Ивица вели дека во четвртокот татко му дошол дома пијан, почнал да се расправа, да ги навредува, но не мислел дека случката ќе заврши крваво. Тој влегол да се тушира кога од дневната соба слушнал пукање.
– Излегов веднаш надвор и видов како мојот брат лежи на подот целиот облиен со крв, додека татко ми држеше пиштол во раката. Ми падна мрак на очи,му се фрлив на татко ми и почнав да го удирам, а потоа додека брат ми уште имаше свест му дадов пешкир за да го сопреме крварењето, вели постариот брат.
