Официјално најбогатиот Македонец, Минчо Јорданов, во саботата ја омажи помалата ќерка, Наташа. Наташа Јорданова му се заколна на вечна љубов на долгогодишното момче Горан Мауровски, пишува Медиа.
Најблиските пријатели, кумот, старосватицата и родителите на младенците се собраа во домот на Наташа и Горан на Водно некаде околу пладне. Симболично со кршење погача ја скршија и тремата на идните сопружници.
Младите си се ветија пред бога во црквата „Свети Ѓорѓија“ во резиденцијата на архиепископот г.г. Стефан. Богослужбата, како што доликува, ја држеа седум владици на МПЦ.
Матичното се одржа во винаријата „Стоби“, а подоцна таму се одржа и веселбата, која траеше до доцна во ноќта.
