Во познатиот ресторан Нома во Копенхаген, носител на две Мишленови ѕвезди – највисоко одликување во светот за гастрономија, затруени се 63 луѓе.
Данската Управа за ветерина и храна побара итна инспекција на објектот.
Данските официјални лица за безбедност на храната бараат отстранување на недостатоци во работата и „подобро ракување со храната“ во ресторанот Нома.
Инаку овој ресторан трипати беше меѓу најдобрите ресторани во светот, според оценки на францускиот магазин за ресторани Гастромаг.
Труењето со храна се појавило кај 63 гости на ресторанот кои конзумирале храна во периодот меѓу 12 и 16 февруари. Засега не е изолирана бактеријата причинител на труењето, јавуваат дански медиуми.
Инаку ресторанот е во сопственост на Рене Реџепи, кој по потекло е Македонец.
