Скривницата, сплет од тунели и соби, никогаш употребени, но подготвени.
Дотаму се стига само по козја патека покрај Бањска Река, некогаш блиску до вода, некогаш над неа, а кога патот ќе заврши и има угорница која само диви животни можат да ја искачат, а таму мала дрвена колиба го крие влезот во скривницата. Некој од излетниците ја скршил вратата, па сега секој може да влезе во скривницата и да се прошета. 
Внатре се е во бела боја, потемнети ѕидови и многу ходници. Има и електрична инсталација, таква стара, од пред педесетина години.
Вистински лавиринт од ходници и тунели, темница, страв, пишува Вест. Во средината чешма со корито и вода. По неколку ходници има соби со патос и инсталации за свеж воздух и линии за телефон и телеграф. Но, сите се празни, нема мебел, а нема ми траги дека некогаш имало. При крајот, мало тунелче со метални скали, но, никој не знае каде водат тие мали, стари скалила…
