Дел од надвозникот познат под името „Моранди“ кој е дел од автопатот А10 во Џенова се сруши денес. Италијанската агенција ANSA пренесува дека од мостот паднале десетина автомобили, а официјалните лица истакнуваат дека има десетина мртви.
Досега е потврден смртта на 11 лица, а потрагата по преживеани е во тек.
-официјалните лица наведуваат дека среќна околност е тоа што соообраќајот во моментот на несреќата не бил густ. Лошата вест, пак, е дека мостот се урнал над индустриска зона што предизвикува страв дека можеби се оштетени цевките за гас, што може да предизвика нов сериозен проблем.
-шефот на локалната служба на Итната медицинска помош изјавил дека починале десетина лица. Официјални лица од противпожарната служба велат дека „веројатно има голем број жртви“, како и дека е можна „трагедија од огромни размери“.
-Потврдено е дека од урнатините спасени се две лица кои со хеликоптер се пренесени во болница.
Очевидец: Апокалиптични сцени
Еден очевидец за телевизијата „Скај Италија“ изјавил дека видел околу десетина возила на мостот во моментот на рушењето, како и дека сцената била апокалиптична.
-Ројтерс пренесува дека министерот за сообраќај на Италија, Данило Тонинели предупредил дека најверојатно стамнува збор за „огромна трагедија“. На Фејсбук напишал дека 200 пожарникари и други херои се наоѓаат на лице место.
