Научниците од НАСА кажуваат дека оваа година би требало да биде година на ‘соларниот максимум’, односно врвот на 11 годишниот циклус на соларната активност. Меѓутоа, веќе е март, а соларната активност е релативно ниска. Бројот на сончеви пеги е далеку под нивото од 2011 година, а и соларните факели се ретки.
Дан Песнел од центарот за вселенски летови “Goddard” смета дека ова затишје е само припрема за новиот врв на активноста. Вели дека ова е соларниот максимум, ама изгледа поразлично затоа што има дупли врв. Вообичаено е соларната активност да расте и паѓа во 11 годишен ритам. Но, тие циклуси не се совршени, па промените можат да траат помеѓу 10 и 13 години.
На сликата од страната на Сонцето која е свртена кон Земјата, снимена на 28 февруари, се гледаат само неколку сончеви пеги, иако е вообичаено во врвот на активноста таа страна да биде многу повеќе активна.
