Чоколадни штрудли на производителот „Александрија“ од Тузла, кои двајца Новосаѓани ги купиле од локална продавница, биле полни со бели црви и нивните ларви. Двајцата ги забележале откако ја изеле речиси половина кутија, пренесе порталот 24сата.рс.
– Ги купувме штрудлите во продавница и вечерта ги јадевме гледајќи филм. Во темницата не ги загледавме, но кога запаливме светло забележавме дека се полни со црви и ларви. Ни се слоши на помислата дека сето тоа го изедовме. Го погледнавме рокот на траење и тој беше до март 2015 година, истакнала новосаѓанката Ивана.
Таа веќе два дена се обидувала случајот да го пријави кај инспекциските служби во Нови Сад, но неуспешно.
