Во средата вечера околу 18 часот во Ветерник непознато лице фрлило петарда, и тогаш среде детонацијата дошло до удар на каменче кое тешко поврдило девојче.
Момчињата кои фрлале петарди во таа улица побегнале, а 11- годишното девојче со тешка повреда на десното око е префрлено во болница.
Девојчето таа кобна вечер отишло до продавницата која се наоѓа во близина на нејзината куќа.
-Кога се враќала, буквално пред капијата од нејзината куќа нешто ја погодило во окото. Малечката не била свесна што и се случило. Меѓутоа група постари деца во тој момент фрлале петарди. Не фрлаа кон неа, но таа без никаква вина настрада, вели извор.
Д.С. е префрлена во детската болница каде е задржана на лекување.
-Девојчето се здобило со тешка телесна повреда во вид на контузија на окото, велат од болницата.
Нејзината состојба се следи, а со оглед на тоа дека окото е полно со крв, се чисти и засега со сигурност не може да се каже дали и колку го загубила видот и дали ќе треба операција. Покрај неа постојано се нејзините родители.
