Шефот на НАТО Алијансата ја осуди руската инвазија на Украина која започна ноќва и свика состанокот на сојузниците.
Јенс Столтенберг, генералниот секретар на НАТО, најостро го осуди нападот врз Украина.
-Повторно и покрај нашите постојани предупредувања и незаморни обиди да се ангажираме во дипломатија, Русија го избра патот на агресијата против суверена и независна земја, изјави Столтенберг утринава преку писмена реакција.
За НАТО ова претставува сериозно нарушување на меѓународното право и закана за евроатлантската безбедност.
-Ја повикува Русија да стави веднаш крај на воените дејствија и да го почитува суверенитетот и територијалниот интегритет на Украина.
Столтенберг најави состанок на членките на НАТО во Брисел утрината. Тој ќе започне околу осум часот.
Сојузничките ќе се координираат за одговор на рускиот напад и ќе ја повторат нивната солидарност со украинскиот народ.
-НАТО ќе стори сѐ што треба за да ги заштити и одбрани сојузниците, додаде шефот на НАТО.
