Нема пари во буџетот за повисоки плати во администрацијата


Буџетските корисници имаат поголеми барања за 500 милиони евра. Ако се исполнеа сите нивни желби за покачување на платите, буџетскиот дефицит ќе биде осум, а не 2,7 отсто од БДП, рече денеска министерот за финансии Драган Тевдовски, презентирајќи го Предлог- буџетот за 2018 година пред членките на Стопанската комора на Македонија.

Тевдовски напомена дека првпат проекцијата на државната каса се презентира и дискутира отворено пред да биде усвоена што, најави, ќе стане пракса.

– За Македонија да оди напред, мора да зборуваме отворено, да бидеме транспарентни. Неопходно е да има дебати, не е ништо страшно да слушнеме различни мислења. Најважно е дека знаеме што сакаме и каде сакаме да одиме, истакна министерот.

Претставувајќи го Предлог- буџетот, уште еднаш повтори дека за зголемување на приходите се предвидува зголемување на акцизата на нафтата за три денари и зголемување на максималната основица на плаќањето придонеси од 12 на 16 просечни плати.

До 15 ноември Владата треба да го усвои Предлог- буџетот и потоа да го достави до Собранието.

Share Button
MK News

Автор инфо

No comments yet.

Остави коментар

UA-33057274-1