Легендарниот пејач Ник Кејв по првпат отворено проговори за губитокот на 15-годишниот син Артур, кој пред една година падна од карпата додека беше под дејство на дрогата ЛСД.
Во трејлерот за новиот документарец на Ник „One More Time with Feeling“, кој го следи снимањето на новиот албум со бендот „The Bad Seeds“, 58-годишниот пејач вели дека оваа трагедија имала погубно влијание на животот на неговото семејство.
– Повеќето од нас не сакаат да се променат. Но, што ќе биде кога ќе се случи нешто толку катастрофално за да мораш да се промениш? Од личност која е позната да станеш непознат, па кога ќе се погледнеш во огледало, дали ќе препознаваш каква личност си бил? – вели Ник во филмот.
Новиот албум „Skeleton Tree“ ќе биде објавен на 9 септември, а документарецот ќе се појави во киносалите ден порадно.
Артур Кејв почина во јули 2015 година откако падна од карпата во Брајтон, Англија. Свиреше тапани и се појави со татко му во филмот „20.000 дена на земјата“.
– Беше прекрасно, среќно момче полно со љубов – рече Ник Кејв во својата изјава по трагедијата.
Артур зад себе ги остави и мајката Сузи Бик, братот близнак Ерл, и двајцата постари полубраќа Џетра и Лука.
