Центарот на Скопје е блокиран поради големата журка организиарана по повод спојувањето на Т-Мобиле и Т-Хом во Телеком. Улиците околу Порта Македонија каде што ќе се одржува манифестацијата на 19 и 20 септември (сабота и недела) се затворени за сообраќај.
Затворени за сообраќај се улиците „11 Октомври“ и „Димитрија Чупоски“ на потегот од крстосницата помеѓу ул. „11 Октомври“ и бул. „Кочо Рацин“ па се до крстосницата од ул. „Димитрија Чупоски“ и ул. „Даме Груев“, како и од излезот од Градски трговски центар и влезот кон Порта Македонија.
Со цел непречено и безбедно одвивање на сообраќајот од страна на сообраќајната полиција се преземени соодветни мерки за сообраќајно обезбедување и пренасочување на сообраќајот.
Затворањето на улиците, предизвика големи реакции на граѓаните кои негодуваат што поради манифестацијата, мораат да кружат низ градот пред да стигнат на одреденатса цел.
