Бремената Ана А.(35) од Крагуевац, веќе осум дена чека Етичкиот одбор да и одобри прекинување на ризичната бременост.
Таа моментално се наоѓа на Клиниката за гинекологија „Народни фронт“ каде лекарите прават нови анализи. Нејзиниот сопруг објаснува дека се уште не знае кога ќе се направи абортусот.
-На клиника се прават нови анализи и им благодариме на лекарите зошто ја примија како што треба и има одличен третман. Ставував за нејзиниот живот, зошто ни е јасно дека детето е во лоша состојба и реално не може да преживее. Но поради одолговлекувањето таа се најде во опасност. Сега сме помирни, во сигурни раце е. Им веруваме на докторите. Се надевам дека комисијата брзо ќе се состави и дека ќе ја направат интервенцијата која за жал е неопходна, вели сопругот на Ана.
Лекарите на Ана во Крагуевац во 7 месец од бременоста откриле дека детето има вода во стомакот и во белите дробови. Со оглед на тоа што е во поодмината бременост, жената е упатена на Етичкиот одбор во Крагуевац, кој единствено може да одобри прекин на бременоста. Поради болест на двајца членови и тоа што нивните замени се на одмор, продолжи агонијата на Ана.
-Имам дете од година ипол, а при новата бременост редовно одев на контроли. Детето се мрда во стомакот, а знам дека нема да преживее. Моите апели и писма беа залудни, се додека не се обратив во медиумите, вели Ана А, додека чека на неопходната интервенција и враќање на нормалниот живот.
