Британската полиција во Мерцедесот кој и припаѓа на славната топ-моделка Кејт Мос (42) пронашол завитканата хартија од моден магазин, а во него бел прав. Началникот на полицијата во Дербишир за британските медиуми потврдил дека истрагата е во тек.
– Навистина, пронајдовме бела супстанција и во моментот истражуваме за што станува збор – изјавил полицаецот и потврдил дека ја пронашле во хартија од магазин.
На сите добро позната им е аферата со дрога на славната манекенка која ја имала кога била во врска со проблематичниот музичар Пит Доерти, кој е зависник од дрога. Тогаш нејзините фотографии на кои консумира кокаин го обиколија светот, а Кејт по овој инцидент наводно го оставила овој порок.
