Најдобриот тенисер на светот, Новак Ѓоковиќ, по двонеделната сага во Австралија, денеска околу пладне слета на аеродромот во Белград.
Novak je sleteo u Beograd! pic.twitter.com/J9u3h5SSvr
— Balkan Sports (@BalkanSports) January 17, 2022
На аеродромот Никола Тесла каде што пристигна со лет од Дубаи, го пречекаа многу поддржувачи и околу 30 телевизиски екипи.
Ти се нашиот шампион, извикуваа присутните на аеродромот.
11 дневната сага во Австралија резултираше и со забрана за првиот светски рекет во наредните три години да влезе во земјата, иако не е исклучена можност тој порано да добие право за тоа.
Во меѓувреме, за Ѓоковиќ стигнаа и лоши вести од Франција. Министерката за спорт, како што пренесоа француските медиуми, одлучила дека вакцината ќе биде задолжителна за сите спортски настани во земјата, што би значело и дека српскиот тенисер не би можел да настапи на Ролан Гарос.
