Терористите на Исламска држава планираат да извршат нуклеарен холокауст со кој ќе го збришат Западот од планетата и во кој ќе загинат стотици милиони луѓе, пишува Дејли мејл, повикувајќи се на германскиот репортер Јирген Тоденхефер, кој минал десет дена со џихадистите на ИСИС.
Тој тврди дека милитантите планираат да лансираат „нуклеарно цунами“ против Западот и сите оние што се противат на нивната идеја за создавање калифат. 
Тој тврди дека со месеци претходно преку Скајп контактирал со терористичката група пред да му дозволат да ги посети. Најголемиот дел бил во Мосул
„Нормално дека ги видов ужасните брутални видеа во кои припадниците на ИСИС отсекуваат глави, а тоа во последните месеци ми предизвикуваше загриженост дали можам да бидам сигурен дека ќе ја избегнам таа судбина. Како и да е, го напишав тестаментот пред да заминам“, раскажува репортерот.
Тој раскажува дека луѓето таму спијат во бараки и разурнати куќи. Тој самиот спиел на под. Видел како џихадистите на ИСИС користат брутални видеоснимки за да го преплашат цивилното население, кое потоа полесно го потчинуваат на својата власт. Тие се најбруталниот и најопасен непријател што некогаш сум го видел, вели Тоденхефер.
„Не гледам дека некој може да ги сопре. Освен Арапите. Дома се вратив прилично песимистичено“ вели.
