Новинарката Мирјана Мирчевска го прифати ледениот предизвик и тоа во живо во вестите на Канал 5. Мирчевска беше предизвикана од својот колега Горан Ѓуровски од емисијата „Зевзекманија“.
Новинарката рече дека го прифаќа предизвикот за да се зголеми свеста кај јавноста за заболените од AЛС, болест од која се грчат мускулите, а заболените тешко говорат и се движат. Суштината на полевањето со вода е да се почувствува грчот во мускулите, што го доживуваат заболените но пред се, да се соберат пари. Досега се собрани 40 милиони долари.
Еве го видеото, во кое најпрво е разговорот за болеста АЛС, со доктор Тања Делева Тошевска, невролог од „8 Септември“, а потоа следува и полевањето со вода.
