Семејството на починатиот десет годишен Богдан Цвејиќ е во шок. Здраво момче, спортист само се срушило за време на големиот одмор во училиштето и починало. Редовно тренирал ватерполо, редовно имал прегледи поради спортот и бил здрав како дрен, пред само 15 дена донел дома сребрен медал а сега го подготвуваат неговиот погреб. Од што почина младото момче?
Околу четири дотрчаа деца од училиштето, што е недалеку од нашата куќа, ми кажаа дека на Боки му се слошило и се онесвестил. За секунда се најдов во дворот на училиштето. Боки лежеше на бетонот околу него ученици, наставници, директорот. Наставникот го држеше за јазик, директорот му ја држеше главата, раскажува бабата на момчето низ солзи.
– Бев седната до него, довикувајќи го ” Боки , разбуди се , отвори ги очите , злато на баба ми , мојот син. ” Му ја зедов раката и се чувствуваше пулсот . Тој беше жив. Јас го погалив по главата , а тој само за миг ги отвори очите ме погледна а потоа повторно ги преврте очите и ги затвори. Стигна за 10 минути и Брза помош, заедно со неврохирург , кој од половина метар далечина само го погледна мојот внук. Тој никогаш не го ни допре. Го однесоа во Детската болница. Уплакана и преплашена му кажав на портирот дека сум баба на детето а тој ме тешеше велејќи дека Богдан покажувал знаци на живот кога пристигнал. Сепак, по пет минути дојде до мене еден лекар и му изрази сочувство, раскажува бабата на детето.
Голема иронија е што смртта на првороден син , таткото Далибор го најде во Италија , каде што работи како анестезиолог во локалната брза помош. Желбата да обезбеди подобри услови за живот , за семејството и особено на децата во чие образование најмногу инвестирал, го однел преку границата. И наместо да дојде на роденденот на Богдан во април, доаѓа за да го погреба својот првенец.
– Тој беше здраво дете. Освен од мали настинки и болки во грлото никогаш сериозно не боледувал – тврди Далибор. – Тој е спортист , одеше на редовни прегледи и контрола. Децата велат пред да падне се жалел на гадење , вртоглавица и повраќање , кои се веројатно предизвикани од удар или потрес на мозокот. Наставникот вели дека му го масирале срцето и дека тој бил жив кога пристигнала Брзата помош . Аутопсијата ќе покаже што се случило со мојот син.
Богдан беше дете на пример во домот и во училиштето. Тренирал од 7 години во ватерполо клубот “Партизан “. Пред само петнаесет дена со клубот го освои сребрениот медал на првенство во Србија. На ова првенство му претходеле детални лекарски прегледи. ЕКГ и ехокардиографија, лабораториски анализи. Сите резултати се нормални.
Зборувал три странски јазици, бил талент за математика. Неговата помала сестричка чека бато да се врати од болница, не знае дека починал.
