Либиското производство на нафта падна на 300.000 барели дневно, или помалку од четвртината производство пред падот на Моамер Гадафи. Северноафриканската држава е зафатена со судири на две сепаратистички влади и нивните вооружени сили – едната меѓународно призната влада и друга, како што наведува британската агенција Ројтерс, самопрогласена управа, која го презема Триполи минатата година.
Како што наведува државниот претставник за нафта од меѓународно признатата влада. Наџи Могхраб, дневното производство на нафта паднало на 300.000 барели дневно, поради борбата меѓу воодужените фракции и поради затворање на 50.000 километри нафтовод.
Поради расколот во власта во Либија сега има две конкурентски државни нафтени компании. Едната од нив е под контрола на признатата влада, другата под властите во Триполи и често даваат контрадикторни извештаи за состојбата со нафтените полиња и нивната контрола.
Пред граѓанската војна во 2011 година, кога беше симнат Моамер гадафи, Либија произведуваше околу 1,6 милиони барели нафта дневно. Но, во последните неколку години, производството постојано е под половината на тоа ниво.
