Стефан Илиќ од село Својново, кај Параќин, Србија, има божји дар, тврдат неговите родители.
Неговите раце може да излечат болки, а неговото тело како магнет привлекува разни предмети- мобилни телефони, лажици, вилушки, порцелански чинии.
Несекојдневната способност на 10- годишниот Стефан, родителите ја откриле во ноември 2014 година, но мислат дека ја има од раѓање.
Во неговото семејство таков дар има и неговата баба, од страна на мајката.
-Докторите за Стефан немаат никакво објаснување, само велат дека нема никаква болест и оти тоа не му штети. Во контакт сме и со многу биоенергетичари, кои велат дека мојот син има многу јака енергија, вели мајката Санела Илиќ и додава дека Стефан им помогнал на многумина кои имале разни болки.
Покрај тоа што ја поседува оваа неверојатна моќ, Стефан е многу посветен и на училиштето. Тој е најдобар ученик во одделението за што придонесува неговата надпросечна интелигенција.
