Незапаметен хорор се одвивал утринава во куќа во Кочани, каде бесен кочанчанец се скарал со сопругата, ја бодел со нож по куќата, а кога видел дека легната уште дава знаи на живот, земал чекан и ја удирал до смрт.
Во куќата биле и малолетниот син и ќерката на починатата која сакајќи да ја одбрани сега се бори за живот. По крвавата драма, кочанчанецот скокнал од покривот и починал.
Дваесет и двегодишната кочанчанка, која утринава беше повредена од сопствениот татко, додека се обидувала да го запре во намерата да ја убие мајка и, е вон животна опасност.. Таа се обиде да ја спаси мајка си, која беше убиена од татко и кој потоа се самоуби.
Ова е куќата каде се одвивала драмата, а фотографиите ги објави www.radiokocani.mk.
Основното јавно обвинителство Кочани изврши увид на местото каде утринава се случи убиство и самоубиство, информираат од ОЈО.
Утринава околу 3.30 часот, по семејна расправија, сега починатиот Б.Л. неколкупати со нож ја ранил својата сопруга Л.Л.
Откако увидел дека жртвата покажува знаци на живот посегнал по чекан и со него и нанел неколку удари во главата со намера да ја усмрти.
Сведок на насилството биле децата на брачниот пар, 22 годишната ќерка и 13 годишното момче кое веднаш побегнало и се засолнило кај соседи.
Ќерката, по безуспешен обид да го спречи својот татко во кој и самата претрпела повреди, го пријавила случајот во полиција. Во тој момент, таткото се искачил на покривот од семејната куќа и од висина од околу 6 метри скокнал при што починал на лице место.
По пристигнување на екипа на брза помош, констатирана е смрт кај двете лица.
Дваесет и двегодишната И.А., ќерка на починатата брачна двојка, се бори за живот по семејната трагедија што се случи изутрината во Кочани.
Надлежен обвинител од Основното јавно обвинителство Кочани изврши увид на лице место заедно со екипа на крим техника од Министерството за внатрешни работи.
Во насока на утврдување на фактите и расветлување на настанот, издадени се Наредби за прибирање и вештачење на траги од лице место, за анализа на крв и урина од починатите и за вршење на обдукција на телата на починатите.
