Една стара англиска поговорка вели дека невестата треба да носи “нешто старо, нешто ново, нешто позајмено и нешто сино” на својата свадба, а според изгледот “стариот” дел на Абигејл Кингстон е навистина совршен.
Имено, таа на својата свадба била 11 жена во својата фамилија која го носела 120 години стариот фустан, кој се пренесува од генерација на генерација.
Првата невеста која го носела фустанот била Мери Лори Ворен, која се омажила во него во далечната 1895 година. Последната невеста која го носела фустанот била мајката на Абигејл, Лесли Кингстон која се омажила во 1991 година.
Но, носењето на фустанот не поминало без мака. Имено, поради староста на фустанот тој бил целиот пожолтен и полн со дупки, па морал да помине 200 часа на реставрација за да може да се носи. Сепак, Абигејл можела да го носи само на коктел церемонијата за време на еден час, поради тоа што е многу чувствителен.
