Патот по кој шесте млади лица слетаа во водите на Дунав е долг околу 300 метра и широк колку да можат да се разминат две возила.
Кога ќе се поминат тие 300 метри на возачите им остануваат двe можности, да свртат лево или десно-долж шеталиштето на кое се сместени неколку кафичи.
Деветнаесет годишниот Душан Јовановиќ со БМВ-то свртел по Вишничка улица која води директно кон реката Дунав. Без возачка дозвола со брзина од 110 километри на час тој не свртел ни лево ни десно туку право летнал во реката.
Според истрагата траги од кочење нема, што значи дека возилото со полна брзина летнало во водите на Дунав.
