Откако убаво ја почнаа годината и во јануари се зголемија, парите на иселениците повторно „затаиле“ во февруари и во март, говорат најновите податоци за движењето на тековните трансфер ишто ги објави Народна банка на Македонија, пишува Утрински весник.
Сумата на тековни трансфери во јануари изнесувала 102,5 милиони евра, но веќе во вториот месец тие се спуштите под „стотката“ и биле на ниво од 88,8 милиони евра, додека, пак, во март доживеале благо закрепнување и достигнале 95,3 милиони евра.
Во првите три месеци од годинава нашите печалбари вкупно пратиле 286,6 милиони евра, што е за 17,6 милиони евра помалку во однос на истиот период минатата.
