Група експерти од Индонезија и Австралија денеска ги објави резултатите на анализата на пештерски слики пронајдени на островот Сулавеси, поранешен Целебес, со која е утврдено дека пред 40.000 години со човечка рака се направени цртежи видливи и денес.
Пештерските слики, кои водат до сознанијата за првите цивилизациски чекори на човечкиот род се споредуваат со досега најстарите цртежи, пронајдени во пештерата „Ел Кастиљо’’ во Шпанија и неколку пештери во Франција.
Откритието на археолозите, како што е наведено во извештајот за анализата, покажува дека трагите на првите цивилизациски чекори не се само во Европа. На сликите, на кои има цртежи работени покрај 12 дланки има и два мошне добро зачувани цртежи на праисториското животно бабируса, мешавина меѓу прасе и мечка.
Пештерските слики на Сулавеси се откриени во 2005 година, а лоцирањето на времето на нивното настанување пред три години. Употребена е најсофистицирана „уранимска метода’’ за определување на староста.
Поради немање на органски остатоци на пештерските сидови не било можно резултаите да се компарираат и со употреба на од порано познатата метода заснована на јагленород.
