Копилотот на авиокомпанијата Germanwings Андреас Лубитц, кој на 24 март намерно го урна авионот Ербас А320, при што загинаа 150 патници и членови на екипажот, во петте последни години посетил 41 лекар, од нив седум го прегледале еден месец пред несреќата, извести во четврток обвинителот од Марсеј.
Лубитц пател од тешка депресија, од „психоза проследена со животни проблеми“, објасни на прес конференција во Париз обвинителот Брис Робин, по средбата со членовите на семејствата на жртвите во несреќата.
Брис рече дека Лубитц имал проблеми со видот и дека заради долгогодишните здравствени проблеми, меѓу кои ја навел и депресијата, бил неспособен за управување на авионот.
