Поранешниот вицепремиер за економски прашања Владимир Пешевски, за ТВ 21 вели дека е разочаран и вознемирен од бегството на Никола Груевски, тој додава дека овој чин е за најостра осуда.
„Длабоко сум разочаран и вознемирен од овој чин кој е за најостра осуда и од кој што целосно се оградувам. Ова сериозно ги подрива сите напори и иницијативи што во моментот се водат во насока на национално помирување на повеќе нивоа. Кон сите што учествуваме во овие процеси, апелирам да продолжиме со она што и е навистина потребно на нацијата. Иако е тоа тешко, апелирам гневот од овој чин да не се насочува кон другите луѓе кои што се опфатени во други судски предмети и истраги. Верувам дека правдата на крај сепак ќе го стигне секого“, изјави Владими Пешевски за ТВ 21.
Владимир Пешевски е обвинет во случајот „Траекторија“ на СЈО.
По Јанакиески и екс-министерката за внатрешни работи, Гордана Јанкуловска за ТВ21 вели дека го осудува бегството на екс-премиерот Никола Груевски.
„Се наоѓам во Македонија и на крај памет не ми паднало да заминам било каде“, рече Гордана Јанкуловска за ТВ21.
Таа рече дека ќе продолжи да присуствува на судските рочишта.
