Кристин Свидорски Стивенсон на својот Фејсбук профил навела дека Логан Стивенсон починал во нејзината прегратка во понеделник навечер во домот кој го дели со сопругот Шон Стивенсон.
„Сега е со ангелите и веќе не пати“ – рекла мајката на момчето.
Двегодишно момче на кое лекарите му предвидуваа дека има само уште неколку недели живот беше кум на свадбата на неговите родители која се одржа во саботата.
Овој пар требаше да се венча во јули 2014-та година, но откако лекарите минатиот меец им соопштиле дека нивниот син има уште две до три недели живот решиле да забрзаат со церемонијата, затоа што сакаше тој да ги види венчани и да биде дел од семејните фотографии.
Овој пар ја круниса својата љубов со церемонија на отворено со што и формално ја означија нивната заедница и го прославија животот на Логан, за кој лекарите предвидуваат дека може да биде прекинат заради ракот.
Кристин Свидорски го држеше Логан Стивенсон на нејзиното рамо за време на нејзината свадба во Џенет, предградие на Питсбург.
За време на 12 минутната церемонија во која Кристин Свидорски и Шон Стивенсон се заколнаа на вечна љубов малиот Логан беше заедно со неговата баба, Деби Стивенсон.
Малиот Логан боледуваше од леукемија и други заболувања.Ова мало дете беше подложено на трансплатација на матични клетки во 2012, а само неколку месеци подоцна му бил отстранет бубрегот заради рак.
Логан е роден на 22 октомври 2010 година, а набрзо по прославувањето на неговиот прв роденден лекарите му дијагностицирале акутна леукемија. Исто така тој пати и од редок вид на анемија која често предизвикува рак.
