Барбара Синатра, вдовица на легендарниот пејач Френк Синатра, почина вчера, на 90 годипна возраст, јавија денеска американските медиуми.
– Пред смртта, таа беше опкружена од семејството и пријателите во својот дом во Ранчот Мираж во Калифорнија – изјави семејниот портпарол.
Барбара во 1957 година се омажи за Френк, и беше со него во брак 26 години, што беше еден од најдолгите четири брака на Френк.
Тој порано беше оженет со Ненси Барбато, Ава Гарднер и Миа Фароу. Френк Синатра почина во 1998 година.
Барбара во младоста била модел, но подоцна стана позната по својата работа со злоставуваните и занемарувани деца.
Центарот за деца Барбара Синатра на Ранчо Мираж обезбедува терапии и посебни програми за злоставувани деца во ризични ситуаци и во него се лекувале повеќе од 20.000 деца откако е основан во 1986 година.
