Подигната готовноста на црногорските безбедносни служби


Црна Гора ја подигна готовноста на сите служби на повисоко ниво и ја зајакна комуникацијата со колегите во регионот, изјави денеска црногорскиот министер за надворешни работи и европски интеграции Игор Лукшиќ по повод случувањата во Македонија, јави Радио Телевизија на Црна Гора.luksic(1)

Тој наведе дека уште во саботата разговарал со шефот на македонската дипломатија Никола Попски, како и со министрите од регионот.

Лукшиќ оцени дека поради заканите од тероризам треба да се интензивира соработката во регионот.

– Поради таа причина многу е важно да ја зајакнеме соработката во регионот која добива нови форми, имајќи ги предвид предизвиците со кои се соочуваме пред се во регионот, но и во Блискиот Исток- посочи Лукшиќ.

Црногорското Министерство за надворешни работи и европска интеграција изрази жалење за загинатите и повредени полицајци.

– Убиството на осум полицајци и повредените граѓани на Куманово најостро го осудуваме и го сметаме за напад врз мирот, стабилноста и безбедноста на Република Македонија, нејзиниот уставен поредок и соживотот на народот во Македонија- истакна Лукшиќ.

Share Button
MK News

Автор инфо

No comments yet.

Остави коментар

UA-33057274-1