Семејствата на двајца тетовци оваа зима ќе останат без најбараната зимница – ајварот, пишува „Утрински весник“.
Нивните подруми биле провалени од непознати арамии и им ги однеле сите 20 тегли од двата подрума. Кражбата била во централното градско подрачје на Тетово, на булеварот „Маршал Тито“ во станбена повеќекатница. Провалени се неколку визби од кои биле одземени сите тегли со ајвар. 
СВР Тетово предупредува на потребата од поголеми заштитни мерки во визбите. Оттаму информираат дека насилни отворања имало и во визби на улицата „Браќа Миладиновци“ и станбен блок 82. Од визбата на тетовец е однесен еден кубен метар огревно дрво подготвено за употреба.
