Полицијата уапси пет скопјани, меѓу кои и полицаец осомничени дека киднапирале и малтретирале 47 годишна скопјанка, пренесува Република.
Уапсените се од Скопје на возраст од 28 до 57 години, а меѓу нив е и полицаец кој освен за грабнување се товари и за нанесување тешки повреди. Тие вчера околу 05:30 часот ја грабнале А.В. од нејзиниот дом со намера да ја присилат да потпише изјава на нотар за враќање на долг што наводно го имала кон 57-годишниот Љ.Т. Притоа и нанеле тешки телесни повреди.
