Четиринаесет годишната С.М., ученичка во 7 одделение во четвртокот попладне со остар предмет го повредила учителот по историја Ј.И. во осовно училиште во Врање, бидејќи и рекол дека мора да ги научи лекциите ако сака да ја избегне слабата оценка, пишува српски „Курир“
Инцидентот се случил за време на големиот одмор.
За време на часот, учителот на предупредил С.М. дека ќе и останане единицата доколку не го загрее столчето и почне да учи. Таа се изнервирала, па му упатила серија навреди и пцовки на учителот. Кавгата ја прекинало ѕвончето по што наставникот по историја излегол од училницата, а девојчето му пришло во ходникот и со остар предмет го исекло по градите и по стомакот.
Учениците кои биле во близина почнале да вриштат кога виделе дека учителот е цел со крв.Бидејќи во ходникот имало многу гужва никој не видел со што таа го нападнала, но се претпоставува дека е шестар или некое џебно ноже. Наставникот имал сериозни повреди, кои не биле опасно по неговиот живот.
Во полицијата овој случај не бил официјално пријавен, а професорот не сакал да разговара со новинарите – колегите велат најверојатно се плаши од одмазда од родителите. Во училиштето е итно закажан родителски состанок.
